Skuggar fortíðar

Árið er 1906. Gamlar fjölskyldudeilur verða til þess að hin unga Inga er þvinguð í hjónaband þar sem hatur, svik og myrk leyndarmál ráða ríkjum. Hún neyðist gegn vilja sínum til að giftast héraðsdómaranum Níelsi Gaupás, tæplega þrefalt eldri manni. Ástandið versnar enn frekar þegar hún verður ástfangin af unga óðalssyninum, Marteini.

Inga Svartdal er sería sem telur tólf bækur. Við fylgjumst með ýmsu ráðabruggi í Vestfold í Noregi, við upphaf liðinnar aldar. Í frásögninni leynist syndsamleg þrá, niðurlæging og sorg um leið og hin unga Inga upplifir ákafa og forboðna ást.