Banvænn aðdáandi

Kate Kinsella vinnur hlutastarf sem hjúkrunarfræðingur á aðalsjúkrahúsinu í Longborough. Á næturvöktum á laugardagskvöldum getur ýmislegt gerst en þó bjóst hún ekki við að finna næsta viðskiptavin einkaspæjarastofunnar sinnar á meðal sjúklinganna.

Vanessa Wootten, sem einnig er hjúkrunarfræðingur, hafði tekið banvænan kokteil af lyfjum í því skyni að binda enda á líf sitt.

Þegar Vanessa nær sér trúir hún Kate fyrir leyndarmáli. Hún er þess fullviss að hún eigi banvænan aðdáanda – og hún þarfnast hjálpar Kate.

Kate er hvött til að halda sig frá Vanessu. Það orð fer af henni að hún sé taugabiluð.

En þá finnst gömul kona, einn af sjúklingum Vanessu, látin og skilaboð krotuð á spegilinn hennar: FYRIR ÞIG, V.

Kate er skyndilega komin á kaf í rannsókn á dularfullu morðmáli.

Hún verður að vernda Vanessu hvað sem það kostar en það er hægara sagt en gert þegar viðskiptavinurinn er horfinn …