Verndarengillinn

Sá sem þú ættir að óttast – eða verndarengill?

Það er byrjað að vora, kirsuberjatrén standa í blóma, en Emma Sköld hlakkar ekki til komandi páskaleyfis. Sjö mánuðir eru liðnir síðan Krille, náinn samstarfsmaður hennar í lögreglunni, hvarf sporlaust og Emma er staðráðin í að finna hann. Lífs eða liðinn.

Eftir langa leit er alræmdur handrukkari, sem sá Krille síðast á lífi, eltur uppi af lögreglunni. Á sama tíma fær Emma undarlegt morðmál til rannsóknar. Eldri maður finnst látinn í yfirgefnu geðsjúkrahúsi og þegar kennsl eru borin á manninn verður Emma gagntekin af því að leysa málið.

VERNDARENGILLINN er sjálfstætt framhald af bókunum um Emmu Sköld. Sofie Sarenbrant hefur ítrekað verið valin glæpasagnahöfundur ársins í Svíþjóð.

„Æsispennandi!“ Dagens Nyheter