Eyjan hans múmínpabba

Eyjan hans múmínpabba fjallar um þegar múmínpabba finnst lítill tilgangur með lífinu, meðal annars því hann er ekki neinum til gagns og enginn reiðir sig á hann lengur. Til að hrista upp í tilverunni flytur hann með fjölskylduna á eyðieyju langt úti á hafi. Þar læra þau öll að ganga í nýjum takti.

Allir þekkja múmínálfana, þessar stórskemmtilegu ævintýraverur sem hafa glatt ótal börn og fullorðna áratugum saman – í sjónvarpsþáttum, teiknimyndasögum, bíómyndum og ekki síst bókum. Fyrsta sagan kom út 1945 en Múmíndalurinn varð fullmótað sögusvið í Halastjörnunni. Bækurnar hafa notið gífurlegra vinsælda og verið þýddar á yfir 40 tungumál. Hér er komin áttunda sagan í þessu dásamlega ævintýri, í einstökum lestri Friðriks Erlingssonar.