Vika 46 og 47 · 9. til 19. nóvember 2026

Nýjar bækur vikunnar

Ellefu nýjar bækur: ný morðgáta með fröken Marple, fyrstu jólabækurnar og Guðrúnarkviða í lestri höfundar.

Bók vikunnar

Glæpasaga
Morð á Grand Alpine hótelinu

Lucy Foley

Íris Tanja Flygenring les · 10 klst 27 mín

Morðráðgáta með sjálfri fröken Marple, þekktustu söguhetju Agöthu Christie, eftir vinsæla breska spennusagnahöfundinn Lucy Foley. Þetta er ný bók sem aðdáendur Agöthu Christie hafa beðið eftir.

Grand Alpine hótelið stendur hátt í svissnesku Ölpunum og gestirnir koma víða að. En þegar einn gestanna fer lifandi inn í kláf og finnst látinn á fjallstindinum er ljóst að morðingi gengur laus á meðal þeirra. Herdís M. Hübner þýddi.

Skoða bókina

Jólabók

Rómantík
Ástin finnst á jólamarkaðinum

Jo Thomas

Margrét Kaaber les · 9 klst 52 mín

Connie, sem sér um matarsendingar á dvalarheimili eldri borgara, hefur einum of oft lent í stefnumótaslysum á netinu. Þá skipuleggur ein konan á dvalarheimilinu stefnumót fyrir hana á fallegum þýskum jólamarkaði, gegn því loforði að hún taki með sér heila rútu af ellilífeyrisþegum.

Bakarinn Henrich uppfyllir öll skilyrðin en þegar Connie hittir William, keppinaut Henrichs, fer hún að velta fyrir sér hvort það sé rétta leiðin að haka við á lista. Þetta er þriðja jólabók Jo Thomas sem kemur út á Íslandi. Herdís M. Hübner þýddi.

Skoða bókina
SkáldsagaÞað sem eftir er

Virginie Grimaldi

Berglind Alda Ástþórsdóttir les · 7 klst 52 mín

Jeanne er 74 ára og nýorðin ein. Hún situr eftir með sorgina og hundinn Boudine í stóru Parísaríbúðinni sem hún hefur ekki efni á. Théo þorir ekki lengur að láta sig dreyma um framtíðina og í grænni ferðatösku er það litla sem Iris á.

Þegar Jeanne ákveður að leigja Théo og Irisi herbergi bætir hún ekki aðeins eigin fjárhag, heldur verður líf þeirra aldrei samt. Virginie Grimaldi er einn mest lesni höfundur Frakklands. Guðrún Vilmundardóttir þýddi.

Skoða bókina →
GlæpasagaHreinsun

Maria Fallström

Sigríður Eyrún Friðriksdóttir les · 9 klst 49 mín

Þegar dagar á lögreglustöðinni í Stokkhólmi kemur óhrein og horuð kona inn á planið. Þar fellur hún niður í krampa og er flutt á sjúkrahús þar sem hún síðan deyr. Krufningin leiðir í ljós hið óhugsandi: konan hefur verið grafin lifandi í marga mánuði.

Rannsóknarlögreglukonan Rebecca Kraft fær málið inn á sitt borð. Fórnarlömb líkra glæpa hafa fundist í Finnlandi og gerandinn gengur enn laus. Indriði Grétarsson þýddi.

Skoða bókina →

Höfundur les

Skáldsaga
Guðrúnarkviða

Eyrún Ósk Jónsdóttir

Eyrún Ósk Jónsdóttir les · 2 klst 33 mín

Guðrúnarkviða er ljóðsaga um konu sem rankar við sér í kistu í eigin jarðarför.

Í huga hennar koma svipleiftur úr liðinni ævi, en kirkjugestir fá líka orðið í þessari frumlegu og áleitnu kviðu.

Skoða bókina
SkáldsagaJólakransar og nývaknaðir draumar

Christina Wahldén

Þórunn Erna Clausen les · 9 klst

Allt sitt líf hefur Lisu Blomgren dreymt um að reka gróðrarstöð. Þegar hún er komin á eftirlaun og eiginmaður hennar deyr skyndilega selur Lisa raðhúsið og kaupir aflagða gróðrarstöð í litla iðnaðarbænum Söderfors.

Gætu námskeið í kransagerð á herragarðinum og ljósakeppni átthagafélagsins ef til vill hjálpað til? Lisa vingast við Gullu, óperusöngkonu á eftirlaunum, og Cindy, sem rekur nytjaverslunina Annað tækifæri. Egill Þórðarson þýddi.

Skoða bókina →
RómantíkBestu jól í heimi

Sarah Morgan

Sólveig Guðmundsdóttir les · 10 klst 7 mín

Versti stormur í manna minnum skellur á Nýja-Englandi en Mabel Miller lætur það ekki á sig fá. Hún býr sig undir að eyða enn einum jólunum með köttunum sínum þremur og forðast allt sem tengist hátíðarhöldunum.

Það er að segja þangað til veðrið grípur í taumana og húsið hennar fyllist af ókunnugu fólki. Áður en hún veit af er Mabel farin að útbúa heitt súkkulaði og baka smákökur. Birgitta Elín Hassell og Marta Hlín Magnadóttir þýddu.

Skoða bókina →
Klassískar bókmenntirÁ heimleið: saga úr sveitinni

Guðrún Lárusdóttir

Hrafnhildur Halldórsdóttir les · 7 klst 22 mín

Á heimleið er fyrsta skáldsaga Guðrúnar Lárusdóttur sem gefin var út árið 1913. Hún segir frá hinni ungu Margréti í Hlíð, sem heldur af stað út í heim, burt frá æskuslóðum sínum, eftir boð frá kaupmannshjónum í Noregi.

Fljótt verður hún heltekin af heimþrá en leitar huggunar í náttúrufegurð, trúrækni og vináttu sinni við aðrar ungar konur. Saga af tryggri ást, trúmennsku og fórnfýsi.

Skoða bókina →
GlæpasagaUpphafið: Dauðinn í Desember

Leif Grimwalker

Kristján Franklín Magnús les · 5 klst 20 mín

Desember er enginn venjulegur bær!

Líf lögreglumannsins Johns Wagner er lagt í rúst þegar Sara eiginkona hans og Mattias sonur þeirra hverfa sporlaust. Kristján H. Kristjánsson þýddi.

Skoða bókina →
SpennusagaTortímið hraðlestinni

Colin Forbes

Tor Jonsson les · 10 klst 50 mín

Sovéskur hershöfðingi flýr til vestursins með lestinni Atlantic Express. Ferðataskan hans er full af leyndarmálum sem enginn annar má vita af.

Menn frá leyniþjónustunni CIA gera allt sem þeir geta til að vernda hershöfðingjann á meðan sovéskir njósnarar reyna að stöðva hann sama hvað það kostar. Snjólaug Bragadóttir þýddi.

Skoða bókina →
BarnabókSkýrsla X - Gleraugnaslangan

Kit A. Rasmussen

Jón Gunnar V. Ingólfsson les · 1 klst 27 mín

Andrés og Kalli geta ekki staðist að kíkja í málmkassann hans Madsen rannsóknarlögreglumanns. Þar rekast þeir á áhugaverða skýrslu um andlát vísindamannsins Rasmus Jensen.

Það var ekki vitað hvort andlátið hafi gerst vegna slyss sem tengist gleraugnaslöngu, eða hvort um morð var að ræða. Forvitnin verður þeim ofviða svo þeir ákveða að komast að því hvað í rauninni gerðist.

Skoða bókina →

Byrjaðu á nýrri bók í dag