Nýjar bækur vikunnar

Ann Napolitano

Íris Tanja Flygenring les · 14 klst 44 mín

Getur ástin gert brotna manneskju heila? William Waters ólst upp á heimili sem harmleikur hafði breitt þögn yfir. Þegar hann kynnist hinni lífsglöðu og metnaðarfullu Juliu Padavano á fyrsta ári í háskóla er því eins og skyndilega birti til í kringum hann. Hjá Padavano-fjölskyldunni kynnist William áður óþekktri lífsfyllingu. En þá skýtur myrkrið úr fortíð Williams aftur upp kollinum.

Halló, mín fagra er afar áhrifamikil saga um það sem getur gerst þegar við veljum að elska manneskju, ekki þrátt fyrir það hver hún er, heldur einmitt vegna þess. Ingunn Snædal þýddi.

Valérie Perrin

Sigrún Hermannsdóttir les · 9 klst 10 mín

Justine hefur búið hjá ömmu sinni og afa síðan foreldrar hennar létust í bílslysi. Hún er ánægð í starfi á elliheimili bæjarins og nýtur þess að hlusta á sögur gamla fólksins. Þannig tengist hún Hélène Hel, næstum hundrað ára gamalli konu sem lætur sig dreyma um löngu liðinn tíma.

Angurvær saga um ást, sorg og fortíð sem virðist aldrei alveg vera liðin. Kristín Jónsdóttir þýddi.

Ester Hilmarsdóttir

Arndís Hrönn Egilsdóttir les · 9 klst 21 mín

Þegar dularfull spákona úr austri birtist í friðsælum dal í íslenskri sveit fara ævintýralegir hlutir að gerast og allt sem áður var fer úr skorðum. Saman við komu spákonunnar fléttast barátta kotbænda við auðvaldið úr nærliggjandi kaupstað, hrifnæmni fjósastráks, forboðnar ástir heimasætu og förukona sem enginn veit hvort er að koma eða fara.

Fyrsta skáldsaga Esterar Hilmarsdóttur, sem hlaut tilnefningu til Fjöruverðlaunanna fyrir ljóðabók sína Fegurðin í flæðinu.