Nornin í eldhúsinu

Ein niðdimman desembermorgun, þegar Pétur er nýbúinn að sannfæra pabba um að hann geti labbað sjálfur í skólann, birtast tvær glitrandi glyrnur í myrkrinu. Þessar glyrnur verða upphafið að skrítnum og skemmtilegum aðventuævintýrum þeirra Péturs og vinkonu hans Stefaníu, risahundsins Lubba og dálítið geðstirðrar nornar sem býr í furðulegasta kofa sem hugsast getur.

Nornin í eldhúsinu var valin Jóladagatal Borgarbókasafnsins og Bókmenntaborgarinnar árið 2020.

Sólrún Ylfa Ingimarsdóttir býr í Kaupmannahöfn þar sem hún stundar fiðlunám og fæst við hreyfimyndagerð en Tómas Zoëga er búsettur í Osló og vinnur við loftslagsrannsóknir.