Jarðfall

Sjálfstætt framhald metsölubókarinnar Umrót, sem valin var besta sænska glæpasagan árið 2020 og hlaut Glerlykilinn 2021, verðlaun norrænu glæpasagnafélaganna fyrir besta norræna krimma ársins.

Í eyðibýli við Offersjön, lengst inni í þéttum skógum Ångermanlands, finnst lík hungurmorða manns. Tveir fingur vinstri handar hans hafa verið höggnir af.

700 kílómetrum norðar, í hinum hálfyfirgefna námubæ Malmberget, hefur annar maður verið lokaður inni í kjallara og skilinn eftir til þess að deyja.

Eira Sjödin, lögregluþjónn í Kramfors, blandast inn í rannsóknina og einmitt á sama tíma þarf móðir hennar að fara á hjúkrunarheimili. Bróðir hennar situr inni vegna morðs sem hann hefur játað á sig en framdi ekki.

Þegar enn einn maður hverfur, snertir það Eiru persónulega. Til að finna hann er hún reiðubúin að leggja allt í sölurnar.

„Áköf og grípandi norræn rökkursaga“ LILJA SIGURÐARDÓTTIR „Stórgóður og snúinn spennurússíbani“ PETER JAMES „Ákaflega grípandi“ CHRIS WHITAKER