Getur Doktor Proktor bjargað jólunum?

Bjöllurnar klingja og snjónum kyngir niður. Aldrei hafa jólin staðið jafn tæpt og nú. Noregskonungi hefur á óskiljanlegan hátt tekist að selja jólin (sem hann átti ekkert í, frekar en annað kóngafólk) hinum gráðuga kaupsýslumanni, Þráni. Framvegis fær enginn að halda jól án þess að kaupa vörur fyrir himinháa upphæð í búðum í eigu Þráins. Þau Lísa og Búi sætta sig ekki við slíkt óréttlæti og fá doktor Proktor með sér í háskaför á vit hins eina sanna jólasveins – sem er hvorki rauðklæddur né vinalegur.

Getur doktor Proktor bjargað jólunum? er fimmta og síðasta bókin í sprenghlægilegum hasarbókaflokki fyrir börn eftir Jo Nesbø.