Forngripasafnið

Rúnar er nýfluttur í lítið þorp úti á landi þar sem pabbi hans hefur ráðið sig sem safnstjóra. Draslið á safninu blasir við öllum en þar er greinilega eitthvað fleira á kreiki sem minna fer fyrir. Ásamt krökkunum í næsta húsi – og hinni dularfullu Gunnhildi – lendir Rúnar í æsispennandi ævintýri.

Forngripasafnið er fyrsta bókin í þríleik eftir Sigrúnu Eldjárn, hér í stórskemmtilegum lestri Kristins Óla (Króla) Haraldssonar. Tilvalin hlustun fyrir krakka á aldrinum 8–12 ára!