Drottningarfórnin

Elizabeth Meyer, hinn eitilharði og stórbrotni formaður danska Jafnaðarmannaflokksins, gæti orðið fyrsti kvenforsætisráðherra landsins. Framundan eru tvísýnar kosningar í skugga morðhótana hryðjuverkamanna og blóðugra átaka milli innflytjenda og hægriöfgamanna; aðstæður sem neyða hana til sársaukafulls uppgjörs við gyðinglegan bakgrunn sinn og fortíðina. Enginn veit þó að Meyer á sér leyndarmál sem er eins og tifandi tímasprengja, leyndarmál sem hún varðveitir af grimmd en er óðum að missa tökin á.

Drottningarfórnin er æsispennandi saga um miskunnarlausa valdabaráttu og þær fórnir sem þarf að færa til að komast til æðstu metorða.

Hanne-Vibeke Holst (f. 1959) er einn vinsælasti höfundur Danmerkur. Drottningarfórnin er sjálfstætt framhald metsölubókanna Krónprinsessan og Konungsmorðið; lokabókin í þríleik hennar um konur og völd á 21. öldinni. Hér í frábærum lestri Estherar Talíu Casey.

Hún hlaut lesendaverðlaun Berlingske Tidende og samtaka danskra bókasafna 2009 og De Gyldne Laurbær, verðlaun danskra bóksala, sama ár.