Þrjár vikur í einu: níu nýjar bækur, frá trylli Freidu McFadden til skáldsögu Einars Kárasonar.
Bók vikunnar
GlæpasagaGerði ég hræðileg mistök með því að flytja fjölskylduna hingað? Ég hélt að ég hefði skilið myrkustu leyndarmálin mín eftir. Getur þessi rólega úthverfagata verið hættulegasti staðurinn af þeim öllum? Þriðji hörkuspennandi tryllirinn um Heimilishjálpina.
Þerna Lowell-hjónanna er ekki það eina undarlega við götuna okkar. Eiginmaður minn laumast út seint á kvöldin. Og þegar ég hitti konuna sem býr beint á móti fara orð hennar um mig eins og kuldahrollur: Passaðu þig á nágrönnunum. Hægt er að njóta bókarinnar sjálfstætt. Ingunn Snædal þýddi.
Skoða bókina
Íslensk skáldsaga
SkáldsagaFjörug og bráðskemmtileg saga um bjartsýna menn og hnípna þjóð við upphaf 20. aldar. Salvar Bernódusson er föðurlaus niðursetningur á kotbýli í Dýrafirði, unglingur með stóra drauma, táp og þor.
Óvænt kemst Salvar í pláss á amerísku seglskipi á lúðuveiðum. Þar með hefst hans bjarmalandsför yfir höf og lönd; slyppur og snauður heldur hann til Ameríku og snýr þaðan aftur vellauðugur, heldur til Englands og kemst þar í kynni við stórskáldið og athafnamanninn Einar Ben.
Skoða bókina
Seint á sumarkvöldi kemur rannsóknarfulltrúinn Kim Stone á vettvang hryllilegs morðs: kona um sextugt er bundin í rólu með gaddavír, með X skorið í hnakkann. Síðan finnast tvö lík til viðbótar og Kim áttar sig á að hún er komin á slóð raðmorðingja.
Ómótstæðileg spennusaga þar sem Angela Marsons kannar dökku hliðarnar á lífi undrabarna. Hægt að lesa sem sjálfstæða sögu. Ingunn Snædal þýddi.
Skoða bókina →
Sarah Morgan er einn besti verjandi í Washington, DC, og hefur aldrei tapað málssókn. Eiginmaður hennar, Adam, hefur í næstum tvö ár haldið ástarsambandi sínu við Kelly Summers leyndu, en allt breytist þegar lík hennar finnst í sumarhúsi hjónanna og Adam er handtekinn grunaður um morð.
Sarah stendur nú frammi fyrir erfiðasta máli sínu hingað til; hún heitir því að verja eiginmann sinn. Fullkomið hjónaband er fyrsta bók Jenevu Rose og hefur komið út á meira en 30 tungumálum. Skúli Sigurðsson þýddi.
Skoða bókina →
Fyrsta skáldsaga
RómantíkSóley er nýútskrifaður hljómsveitarstjóri á framabraut í Leipzig sem ætlaði alls ekki að flytja strax aftur heim til Íslands. En þegar heimsfaraldur geisar samþykkir hún að koma heim og reka bókabúð afa síns sumarlangt í heillandi smábæ á hjara veraldar.
Um miðja síðustu öld stígur unga ekkjan Sigríður af skipsfjöl í sama smábæ og ætlar að opna verslun í karlaveldi. Kúnstpása er fyrsta skáldsaga Sæunnar Gísladóttur, þar sem fléttast saman líf og örlög tveggja ungra kvenna á ólíkum tímum.
Skoða bókina
Tvíburasysturnar Olivia og Victoria Henderson alast upp í New York fylki í upphafi 20. aldarinnar. Olivia er ljúf og heimakær en Victoria ævintýragjörn og berst fyrir kosningarétti kvenna.
Systurnar taka saman ráðum sínum, önnur giftir sig en hin ferðast til Frakklands í upphafi fyrri heimsstyrjaldar. Verður einhver fær um að þekkja þær í sundur? Skúli Jensson þýddi.
Skoða bókina →
Skurðlæknirinn Klara Andersson er lánslæknir við sjúkrahúsið í Jönköping. Útigangsmaður deyr á spítala eftir að hafa innbyrt eitraða sveppi og hæfileikaríkur hokkíleikmaður er skotinn til bana úti á götu.
Þegar enn eitt morðið á sér stað átta Klara og vinkona hennar Fredrika sig á því að morðin tengjast. Önnur bókin í spennusagnaröðinni um Klöru Andersson. Örn Úlfar Höskuldsson þýddi.
Skoða bókina →
Átakanleg saga um misnotaða stúlku sem fæddi barn á leið yfir Oddskarðið alein í blindbyl um hánótt. Bókin er byggð á sannsögulegum atburðum er gerðust á Reyðarfirði veturinn 1726.
Í raun fjallar bókin um það hvernig karlmenn á Íslandi fyrr á öldum misnotuðu vald sitt til misnotkunar á konum og komust upp með það, því þeir einir skráðu söguna.
Skoða bókina →
Hús í bænum eru að brenna til grunna. Í málmkassa Madsen rannsóknarlögreglumanns finna Andrés og Kalli þykka skýrslu um sjö óleyst brunamál sem öll hafa átt sér stað á sömu götu.
Þegar strákarnir fara að spyrja of margra spurninga átta þeir sig á að einhver fylgist með þeim. Ná þeir að leysa málið áður en allt brennur til ösku?
Skoða bókina →