Tvær af stóru bókum haustsins komu út sama daginn.
Bók vikunnar
SpennusagaÞegar Julia Barlow missir vinnuna og íbúðina flytur hún tímabundið til Pemberton, aldagamals óðals fjölskyldu sinnar í uppsveitum Massachusetts, til að líta til með aldraðri ömmu sinni. Á hverri nóttu stöðvast standklukkan nákvæmlega klukkan 3:41. Ljósin flökta. Og raddlaus vera virðist kalla á hjálp fyrir utan svefnherbergisdyrnar. Þegar Julia grefst fyrir um fortíð hússins kemst hún á snoðir um konu sem var tekin af lífi fyrir galdra árið 1692.
Hrollvekjandi og ófyrirsjáanleg spennusaga frá Freidu McFadden, metsöluhöfundi New York Times, um leyndarmálin sem við erfum, gröfum niður og göngum langt til að halda leyndum. Sara Dögg Ásgeirsdóttir les, Ingunn Snædal þýddi.
Skoða bókina
Hungurleikarnir snúa aftur
SpennusagaÞegar fimmtugustu Hungurleikarnir renna upp grípur um sig ótti í Panem: í þetta sinn verða tvöfalt fleiri framlög tekin frá heimilum sínum. Haymitch Abernathy reynir að einbeita sér að því sem skiptir hann mestu, að komast í gegnum daginn og vera með stúlkunni sem hann elskar. Svo er nafnið hans kallað upp. Þegar leikar hefjast uppgötvar hann að honum hefur verið stillt upp til að mistakast, en eitthvað innra með honum vill berjast.
Fimmta bók Suzanne Collins úr heimi Hungurleikanna, sagan af leikunum sem Haymitch vann aldarfjórðungi á undan Katniss. Árni Þór Lárusson les, Magnea J. Matthíasdóttir þýddi. Tæpir fimmtán tímar.
Skoða bókina
Stokkhólmur 1901. Grand Hôtel er gjaldþrota og Wilhelmina Skogh er skipuð framkvæmdastjóri. Þegar karlarnir á hótelinu gera uppreisn gegn nýja yfirmanninum velur hún saman hóp kvenna til að halda því opnu. Sigríður Eyrún Friðriksdóttir les, Valgerður Bjarnadóttir þýddi. Lengsta bókin á listanum, og hún hefur verið til sölu í bókabúð Sagnalands síðan í ágúst en er nú komin í áskriftina.
Skoða bókina →
Bók ársins í Svíþjóð 2024
SkáldsagaBo finnur að líf hans er að fjara út. Hendur hans verða brátt of máttlitlar til að opna boxið með sjali Frederiku, eiginkonu hans sem þjáist af alzheimer, en sjalið ber enn ilm hennar. Hann hefur ennþá hundinn Sixten sér við hlið, en nú krefst sonur hans þess að hann láti hundinn fara. Birgitta Birgisdóttir les, Heimir Pálsson þýddi. Kom út 26. september og rataði í safnið í þessari viku.
Svo hjartnæm, fyndin, falleg og vitur … einstök bók.
Richard Osman
Rauðir fangar streyma úr GPU-fangelsinu og Rússarnir reyna að stöðva flóttann með eldvegg sem breiðir úr sér eins langt og augað eygir. Þrettánda bókin í flokki Sven Hassel, upphaflega frá 1981, gefin út sem sögulegt skjal með tungumáli þess tíma. Hjálmar Hjálmarsson les.
Skoða bókina →
Lára ætlar á reiðnámskeið í sumar en finnst hestarnir svolítið stórir og ætlar varla að þora á bak. Atli vinur hennar er vanur hestum úr sveitinni og gefur góð ráð. Birgitta Haukdal les sjálf, tólf mínútur.
Skoða bókina →
Íslenskur lögreglumaður segir frá máli sem fór hátt þegar það kom fyrir dóm: héraðsdómslögmaður sakfelldur fyrir kynferðisbrot gegn þremur ungum stúlkum. Úr bókaflokknum Norræn sakamál. Stysta bókin á listanum, um hálftími.
Skoða bókina →