Síðasti naglinn

Kim Sleizner, yfirmaður morðdeildar lögreglunnar í Kaupmannahöfn, er maður sem svífst einskis. Hann komst til æðstu metorða með óheiðarlegum hætti og hefur ítrekað misbeitt valdi án þess að það hafi komist upp.

Mánuðum saman hefur lögreglukonan Dunja Hougaard stýrt leynilegri rannsókn á Sleizner og er nú reiðubúin að láta til skarar skríða gegn honum. En hinum megin Eyrarsundsins fær sænski lögreglumaðurinn Fabian Risk skilaboð sem setja strik í reikninginn.

Bækur sænska verðlaunahöfundarins Stefan Ahnhem um Fabian Risk þykja með allra bestu glæpasögum síðari ára. Þær eru margverðlaunaðar og hafa selst í milljónum eintaka. Síðasti naglinn er sjötta og lokabókin í flokknum um Fabian Risk.