Randver kjaftar frá #2 – Geggjað ævintýri

Nú er komin ný stórkostleg ævintýrabók eftir hinn hugrakka Randver, besta vin Kidda klaufa sem er augljóslega ekki par hrifinn af þessu uppátæki, því auðvitað kjaftar Randver frá öllu sem ekki má segja frá.

Hlustaðu nú á Randver segja frá Rolla og vini hans vöðvatröllinu Knúsa sem leggja í mikið ævintýri til að bjarga mömmu Rolla, sem Hvíti stríðsmaðurinn ógurlegi er búinn að ræna. Koma þeir lifandi til baka?

Bækurnar um Kidda klaufa eru metsölubækur um allan heim. Þær fá alla til að lesa, líka þá sem nenna því ekki.