Hetja

Hetja er æsispennandi saga um vináttu stúlku og hryssu og baráttu þeirra fyrir að finna hvor aðra aftur. Hetja og Björg eru bestu vinkonur og vilja helst alltaf vera saman. Þess vegna verður Hetja skelfingu lostin þegar svarta hyldýpið flytur hana á brott – og Björg gráti nær þegar hún finnur vinkonu sína hvergi í haganum. Björk Jakobsdóttir hefur skrifað og leikstýrt vinsælum leiksýningum fyrir alla aldurshópa.

Á barnsaldri kynntist hún hrossum, og næmi hennar fyrir tilfinningum þeirra og tjáningu gerir söguna um Hetju bæði sterka og heillandi. Sagan endurspeglast fallega í áhrifamiklum myndum Freydísar Kristjánsdóttur.