Grafarþögn

Hinn hægláti og heyrnardaufi fræðimaður Nicholas Quinn, sem nýlega hefur hafið störf hjá ensku Prófastofnuninni, finnst myrtur á heimili sínu. Þar með hefst einhver flóknasta morðgáta sem Morse lögreglufulltrúi og Lewis aðstoðarmaður hans hafa þurft að glíma við.

Þegar þeir fara að kanna innviði Prófastofnunarinar kemur á daginn að víða leynist maðkur í mysu. Margir starfsmenn þessarar mikilsvirtu stofnunar hafa ýmsu að leyna og leggja því talsvert á sig til þess að torvelda hinum glöggskyggna en breyska Morse rannsóknina.