Drauga-Dísa

Þegar allt fer í háaloft á milli Dísu og vinsældaklíkunnar í skólanum flýr hún upp í sveit með foreldrum sínum. Þrjú hundruð árum fyrr situr strákur í sama dal og bíður þess að ófreskja skríði úr eggi.

Hvorugt þeirra veit að brátt munu þau hittast og setja af stað atburðarás sem slær við öllum skrímslasögum sem heimurinn hefur þekkt til þessa.

Hér spinnur Gunnar Theodór Eggertsson æsispennandi sögu sem sækir efnivið jafnt í þjóðararfinn og erlendar hrollvekjur svo lesandinn er á nálum allt til söguloka.