Dagbók Kidda klaufa #3 – Ekki í herinn!

Kiddi er klaufskur og ræfilslegur í augunum á pabba sínum. Friðgeir vill herða drenginn – manna hann upp – og hótar að senda drenginn í herskóla, ef ekkert breytist. Þá sér Kiddi að hann verður að gera eitthvað í málinu.

Hér er þriðja bókin um Kidda, en Dagbók Kidda klaufa er einn mest seldi og vinsælast bókaflokkur fyrir ungmenni um allan heim og sá vinsælasti á Íslandi síðustu tíu árin. Bækurnar eftir bandaríska höfundinn og teiknarann Jeff Kinney þykja aðgengilegar, fyndnar og stuðla að meiri áhuga lesenda á bókalestri.

Bókaflokkurinn um Kidda klaufa leit fyrst dagsins ljós árið 2007 í Bandaríkjunum og er nú loks væntanlegur í heild sinni á Storytel, í stórskemmtilegum lestri Odds Júlíussonar.