Dagbók Kidda klaufa #2 – Róbbi rokkar

Kiddi er að byrja aftur í skólanum eftir sumarfrí, en bróðir hans Róbbi hættir ekki að stríða honum ... og stríða honum og stríða honum. Nær Kiddi að sættast við bróður sinn? Eða mun leyndarmál ... eyðileggja allt?

Hér er önnur bókin um Kidda, en Dagbók Kidda klaufa er einn mest seldi og vinsælast bókaflokkur fyrir ungmenni um allan heim og sá vinsælasti á Íslandi síðustu tíu árin. Bækurnar eftir bandaríska höfundinn og teiknarann Jeff Kinney þykja aðgengilegar, fyndnar og stuðla að meiri áhuga lesenda á bókalestri.

Bókaflokkurinn um Kidda klaufa leit fyrst dagsins ljós árið 2007 í Bandaríkjunum og er nú loks væntanlegur í heild sinni á Storytel, í stórskemmtilegum lestri Odds Júlíussonar.