Dagbók Bridget Jones

Fáar bækur hafa vakið jafn mikla athygli og kátínu og Dagbók Bridget Jones enda er hér á ferðinni drepfyndin og snjöll lýsing á hugsanagangi og daglegum venjum dagbókarritarans sem ekki eru allar til fyrirmyndar.

Þetta er óvenjulega fyndin, neyðarleg og sannferðug samtímalýsing á konum og körlum, pirrandi vinnu og fáránlegu samfélagi, ómerkilegum fjölmiðlum, óbærilegum foreldrum og erfiðum ástarsamböndum, misgæfulegum vinum og alls konar leiðindapakki – en ekki síst hinni slítandi og taugatrekkjandi leit að draumaprinsinum.