Biðlund

Montgomery-bræðurnir þrír og móðir þeirra eru að gera upp gamla hótelið í smábænum Boonsboro. Það á sér langa og dramatíska sögu, ekki alveg lausa við afturgöngur. Beckett er arkitektinn í hópnum og hefur nóg á sinni könnu en er þó ekki með allan hugann við verkið. Clare, æskuástin hans, er flutt aftur í bæinn með þrjá unga syni sína. Sterkir straumar draga hana að hótelinu og manninum sem stýrir endurbótunum á því – en er hún reiðubúin að hefja nýjan kafla í lífi sínu? Ævintýrið bíður handan við hornið en ekki eru allir sáttir við samband þeirra …

Nora Roberts er vinsælasti ástarsagnahöfundur Bandaríkjanna og allar bækur hennar frá 1999 hafa komist á metsölulista New York Times. Þær hafa verið gefnar út í tugum landa og selst í yfir 500 milljónum eintaka. Áður hafa komið út á íslensku bækurnar Húsið við hafið og Vitnið. Fyrsta bókin í flokknum um Boonsboro birtist hér í yndislegum lestri Anítu Briem.