Bannað að drepa (ADHD #3)

Framhald metsölubókanna Bannað að eyðileggja og Bannað að ljúga. Það stefnir í ógleymanlegt páskafrí hjá Alexander og risastóru, háværu fjölskyldunni hans, þau ætla að hrista saman íslenskar, pólskar og taílenskar hefðir. En svo byrjar nýr strákur í bekknum sem ræður ekkert við skapið á sér. Bara alls ekki. ADHD-ið hans Alexanders gæti samt bjargað málunum! Hann tekur nefnilega eftir ÖLLU og veit að það er BANNAÐ AÐ DREPA! Æsispennandi saga, bæði hörkufyndin og grafalvarleg, myndlýst af Rán Flygenring.

Bannað að drepa hlaut Íslensku bókmenntaverðlaunin í flokki barna og ungmennabóka fyrir árið 2023.