Við hlið Satans – Tvöfalt líf mitt sem vottur Jehóva

Tom-Kristian Heinäaho ólst upp í fjölskyldu votta Jehóva. Sex ára gamall var hann byrjaður að boða trúna og tuttugu árum síðar, þegar hann var 26 ára, varð hann öldungur í söfnuðinum.

Heinäaho var ráðvandur og heiðarlegur vottur Jehóva, en hann átti sér leyndarmál sem hann vildi ekki að neinn fengi veður af. Í áraraðir lifði hann tvöföldu lífi, allt þar til hann var afhjúpaður og þurfti þá að standa frammi fyrir innri dómnefnd votta Jehóva. Sömu nefnd og hann hafði sjálfur setið í og dæmt aðra safnaðarmeðlimi sem villst höfðu af réttri leið.

Í bókinni Við hlið Satans segir Tom-Kristian Heinäaho sögu sína. Hann lýsir því hvernig er að tilheyra trúarsamfélagi þar sem lífi meðlima er stjórnað af hörku. Þetta er líka saga um aðskilnað, tengslamyndun, nýtt upphaf og það að byggja upp nýtt líf.