Til í að vera til

„Muna skaltu fullt og fast Á ferð um lífsins kjalveg: Á endanum þú útskrifast Alveg.“

Til í að vera til er sjötíu vísna kver þar sem Þórarinn Eldjárn yrkir af alkunnri hugkvæmni og fimi um króka og kima tilverunnar, smáatriðin jafnt sem þau stóru.

Veðurfræði og sjálfsrækt, falsfréttir og hrossakjöt, þrasismi og íslenskt mál, kveðskapur og fjallatrú koma til tals ásamt ótalmörgu öðru; bókin er glaðlegur óður til lífsins hér og nú.