Sykur

Vinningshafi Svartfuglsins 2020. Þegar virtur og dáður embættismaður finnst myrtur stendur lögreglan ráðþrota. Það er ekki fyrr en hin unga lögreglukona Sigurdís finnur falið öryggishólf í íbúð hans að vísbendingar hrannast upp. Rannsókn málsins tekur óvænta stefnu og samhliða því að vinna að lausn morðgátunnar þarf Sigurdís að takast á við erfiðleika sem eiga sér rætur í brotinni æsku hennar. Katrín Júlíusdóttir, fyrrverandi alþingismaður og ráðherra, sýnir hér á sér óvænta hlið. Hún hlaut glæpasagnaverðlaunin Svartfuglinn fyrir þessa mögnuðu sögu sem rígheldur lesandanum allt til óvæntra endalokanna.