Spádómurinn

„Þeir birtast einfaldlega við hlið barna nóttina eftir að þau fæðast og þeir hverfa nóttina eftir að manneskja deyr … Þeir eru einn af leyndardómum lífsins. Vængirnir og austrið.“

Kolfinna er fimmtán ára og með höfuðið fullt af spurningum: Hvers vegna að eiga vængi ef maður má ekki nota þá? Um hvaða ógn voru foreldrar hennar að pískra í skemmunni og hvað felst í spádóminum sem einungis fullorðna fólkið í þorpinu þekkir?

Spádómurinn er æsispennandi saga úr framandi heimi þar sem dularfull öfl sækjast eftir völdum og það verða örlög unglingsstúlku að spyrna við fótum. Hér í frábærum lestri Sigríðar Lárettu Jónsdóttur.