Sonita - Um baráttu mína gegn kúgun og flóttann til frelsis

Ár hvert eru nær 15 milljónir stúlkna þvingaðar í hjónaband. Sonita Alizada slapp naumlega frá því að verða ein þeirra. Fjölskylda hennar reyndi tvisvar sinnum að selja hana, í fyrra skiptið þegar hún var aðeins tíu ára gömul.

Í heimi hennar batt hjónaband oft enda á frjálsræði stúlkna og takmarkaði möguleika þeirra í framtíðinni. En Sonita neitaði að sætta sig við slík örlög.Í bók sinni, Sonita, segir þessi afganski rappari og aðgerðasinni frá því hvernig hún slapp undan barnahjónabandi, flúði frá Afganistan og fann sína eigin rödd í gegnum tónlist og baráttuaðgerðir. Saga hennar lýsir hugrekki, sorg og harðri baráttu fyrir betri framtíð, henni sjálfri og öðrum til handa.