Sagan af Labbakúti - póstinum og kóngsdótturinni fögru

Sagan af Labbakúti, póstinum og kóngsdótturinni fögru er ævintýri. Labbakút langar til að verða stór og sterkur en hann verður það ekki þótt hann borði hafragraut og taki lýsi á hverjum degi. En einn daginn breytist hann í ljón, konung dýranna, og þá verður hann bæði stór og sterkur.

Þegar hann hittir póstinn í þorpinu sínu fara þeir í ævintýraleit. Í ævintýraheiminum gerist allt mögulegt og reyndar margt ómögulegt líka. Sagan er skrifuð fyrir börn en er í rauninni fyrir alla aldurshópa. Lesari Hilmir Snær Guðnason.