
Ráðgáta á Raufarhöfn
Höfundur: Kolbrún Valbergsdóttir
Flytjandi: Hjálmar Hjálmarsson
Um bókina
Dularfullur maður hefur komið sér fyrir í rauða húsinu á Raufarhöfn. Enginn veit hver hann er eða hvað hann er að gera í þorpinu. Félagarnir Maggi, Robbi og Kristján Aur eru ellefu ára gamlir þorpsbúar sem ætla að nýta nokkra heita sumardaga í júní til að leysa gátuna.
En það er ekki allt og sumt. Friðrik í flöskumóttökunni í bænum er nefnilega að svíkja þorpsbúa um endurgjald fyrir flöskur og dósir, þar á meðal strákana þrjá sem hafa lagt hart að sér allan veturinn að safna fyrir rafhlaupahjóli fyrir Robba. Þeir sjóða saman djarfa áætlun til að endurheimta eign sína frá Friðriki, og hver veit nema ráðgátan um dularfulla manninn í rauða húsinu fléttist inn í ævintýrið?
Álfar, dvergar, geggjuð gæs og gamlar græjur koma við sögu í þessari fyrstu barnabók eftir spennusagnahöfundinn Kolbrúnu Valbergsdóttur.
Hjálmar Hjálmarsson les söguna líkt og hann einn getur gert.
Hlusta hvar sem er
- Aðgangur að hundruðum hljóðbóka
- Hlusta án nettengingar
- Samstilling á milli tækja
- Frá 1.490 kr/mán
Sækja app