Maxímús músíkús trítlar í tónlistarskólann

Maxímús Músíkús á heima í gömlum bassa í stóra tónlistarhúsinu og líkar lífið vel. Einn daginn fer hann í óvænt ferðalag og kemst að því að börn geta líka spilað á hljóðfæri, meira að segja á tónleikum!

Sögurnar um tónelsku músina Maxímús Músíkús eru sköpunarverk flautuleikarans Hallfríðar Ólafsdóttur sem víóluleikarinn Þórarinn Baldursson gæðir lífi í litríkum myndum. Maxi hefur heillað fjölda barna um allan heim og vakið áhuga þeirra á sígildri tónlist.