Mamma er fíkill

Judith er alkóhólisti, sniffar kókaín, reykir krakk – og hún er móðir. Alvarleg fíkn hennar og sambönd við ofbeldisfulla menn hafa það í för með sér að athygli barnaverndaryfirvalda beinist að fjölskyldunni. Hún þarf á aðstoð að halda en ef hún leitar sér hjálpar verður hulunni svipt af fíkn hennar. Mesti ótti Judithar er að börnin verði tekin af henni.Þetta er sönn saga Judithar Blok, saga um líf sem lifað er hratt og á barmi hyldýpis. Hún riðar svo tæpt á barminum að við liggur að ónot fari um lesandann.

Frásögnin er svo einlæg að helst langar mann til að líta undan en jafnframt er hún svo hlý og ótrúlega fyndin að hún víkur vart úr huga manns.