Litla kökuhúsið í París

Í notalegu hverfi í París – borg ástarinnar – er lítið kökuhús sem bíður eftir því að verða uppgötvað. Rómantík gæti alveg verið þar á matseðlinum … Nína Hadley ólst upp með fjórum eldri bræðrum. Þegar henni bauðst að flytjast til Parísar og hjálpa til á sætabrauðsnámskeiði var hún spennt að segja au revoir við hina ráðríku bræður sína.

Það var bara eitt vandamál. Kökugerðarmeistarinn í París var besti vinur eins bróðurins og þar að auki maður sem hún elskaði í laumi. Það var því ekki bara girnilegt sætabrauð, fíngerðar makkarónur og glæsilegar tertur sem freistaði í litla kökuhúsinu í París … Kristín V. Gísladóttir íslenskaði.