Leyndarmál Helenu

Sólrík saga um fjölskylduleyndarmál og ógleymanlegt sumar eftir Lucindu Riley, metsöluhöfund bókaflokksins um systurnar sjö.

Það eru liðin tuttugu og fjögur ár síðan Helena eyddi stórkostlegu sumri á Kýpur, þar sem hún varð ástfangin í fyrsta skipti.

Þegar guðfaðir hennar arfleiðir hana að húsinu Pandóru, sem eitt sinn var töfrandi en er nú í niðurníðslu, snýr hún aftur til að eyða sumrinu þar með fjölskyldu sinni. En Helena veit innst inni að fegurð hússins hylur vef leyndarmála sem hún hefur haldið frá William, eiginmanni sínum og Alex, syni sínum.

Þegar Helena hittir fyrir tilviljun aftur gamla kærastann hefst atburðarás sem gæti orðið til þess að fortíð hennar og nútíð lendi saman með óafturkræfum afleiðingum.