Klettur í hafi

„Þegar steinarnir voru hættir að hafa sambönd blöskraði okkur sem bjuggum við alræði vindsins

En skýin voru harðlínumenn og engin von um umbætur frá guði. Jafnvel sólin þáði mútur ...

og tunglið svo spillt að það lét vikuritin mynda sig nakið.

Þá snerum við okkur til regndropanna, en þeir höfðu ýmist sagt af sér eða voru fyrir löngu hættir að skipta sér af stjórnmálum."

Árið 1991 sendi Einar frá sér ljóðabókina Klettur í hafi sem var tilnefnd til Íslensku bókmenntaverðlaunanna. Nú birtist þessi einstaka ljóðabók í frábærum lestri höfundar með tónlist eftir Baldur Hjörleifsson.