Kærastinn minn seldi líkama minn

Hann hafði verið vinur hennar í mörg ár. Hann sagðist elska hana. Svo áttaði hún sig á því að hún þekkti hann alls ekki...

Þegar líf Sophie hrynur er hennar besti vinur, Kas, til staðar fyrir hana. Hún fer að heimsækja hann til Ítalíu og hann er góður og umhyggjusamur. En svo breytist allt. Kas verður ofbeldisfullur og hótar að drepa yngri bræður hennar ef hún óhlýðnast honum. Hún neyðist til að selja líkama sinn til að greiða niður skuldir hans. Í hálft ár vinnur Sophie sjö kvöld í viku á götum bæjar á Norður-Ítalíu, á meðan Kas beitir hana ofbeldi, andlega og líkamlega. Það virðist ómögulegt að flýja. Að lokum fær hún mikla magaverki og endar á sjúkrahúsi, þar sem Sophie tekur áhættuna og hringir í móður sína, vitandi að það gæti kostað hana lífið ef Kas kemst að því. En hvort þeirra hefur fyrst upp á henni, móðir hennar eða Kas?