Jólaleyfi Poirots

Agatha Christie er meistari glæpasagnanna. Jólaleyfi Poirots er afbragðs sakamálasaga þar sem Hercule Poirot, „einhver slyngasti og fullkomnasti leynilögreglumaður, sem skapaður hefur verið í sakamálasögum leysir glæpinn“ eins og það var orðað þegar þessi bók kom fyrst út á íslensku árið 1956. Þessi hljóðbók er í bókaröð með góðum spennusögum sem að Ragnar Jónasson rithöfundur hefur valið. Hrumur og kaldlyndur milljónamæringur býður óvænt sundurlyndri fjölskyldu sinni heim til sín um jólin. Boðinu er mætt með tortryggni af gestunum.

Hvað vakir fyrir honum? Jólaleyfi Poirots hefur verið ófáanleg hér á landi í áratugi en bókin kom fyrst út í Bretlandi árið 1938. Hér í frábærum lestri Rúnars Freys Gíslasonar.