Í verum, seinni hluti

Theódór Friðriksson (1876-1948) rithöfundur var eitt af undrabörnum íslenskrar menningarsögu. Sjálfsævisaga hans Í verum kom út í tveim bindum árið 1941 og varð þegar í stað þekkt um allt land, lesin af ungum og gömlum, og dáð af öllum sem kunnu að meta vel sagða sögu á auðugu og hressilegu máli. Annálaður frásagnarmaður úr röðum íslenskrar alþýðu rekur hér ævi sína. Theódór var mjög á faraldsfæti um dagana og má ætla að hann hafi kunnað flest handtök sem að gagni máttu koma um hans daga. Afburða skemmtileg og opinská saga er meðal þess sem sagt hefur verið um bók hans Í verum.