Hundrað dagar í júlí

… og hefst þá kapphlaup upp á líf og dauða!

Amanda Sundin hverfur sporlaust einn júlídag og nákvæmlega ári síðar finnst Johan eiginmaður hennar alvarlega sár á heimili sínu. Maia Bohm er nýráðin til lögreglunnar í Motala og þetta er fyrsta málið sem hún fær til rannsóknar. Ásamt nýjum starfsfélaga, Greg Wallin, hefur hún leit að sökudólgnum.

Á sama tíma liggur Tim, sonur Maiu, hjartveikur á spítala og bíður eftir líffæragjöf. Á meðan júlídagarnir líða glímir Maia við að leysa ráðgátuna um Sundin-hjónin. Með hverjum deginum eykst líka hættan á að Tim lifi ekki af.

Þegar ljóst verður að örlög sonar hennar ráðast af því hvort Maiu takist að leysa málið hefst kapphlaup upp á líf og dauða. Hún lætur engan og ekkert standa í vegi fyrir sér – ekki einu sinni sannleikann.