Hetjur

Þórhallur er fluttur með fjölskyldunni til Þrándheims í Noregi. Í skólanum þekkir hann engan og gengur þar undir nafninu Túrhalur Túrdarson. Yfir og allt um kring gnæfir löngu dauður kóngur eins og hann væri enn í fullu fjöri. Af hverju halda allir að það sé gaman að búa í útlöndum? Og hvernig í ósköpunum á ellefu ára strákur úr Hlíðunum að lifa þetta af?

Kristín Steinsdóttir er margverðlaunuð fyrir ritverk sín. Hér fléttar hún fornum sögum við nútímaatburði og vangaveltur um hvað það felur í sér að vera hetja.