Gilitrutt

Í ævintýrinu um Gilitrutt fléttast saman sögurnar um geiturnar þrjár og Búkollu auk þjóðsögunnar um Gilitrutt. Að auki fá áhorfendur að kynnast bróður hennar Gilitruttar honum Bárði, fólkinu á bænum Bakka og fleiri skemmtilegum persónum úr Ævintýraskóginum. Þrátt fyrir að Gilitrutt sé ægileg tröllskessa munu hlustendur komast að því að hún er ósköp ljúf inn við beinið.

Höfundur verksins er Anna Bergljót Thorarensen en hún skrifaði Gilitrutt þegar hún var á ferðalagi um vesturströnd Afríku. Í Gilitrutt eru stórskemmtileg lög sem eru samin af þeim Baldri Ragnarssyni, Birni Thorarensen, Gunnari Ben og Helgu Ragnarsdóttur, þá semur Baldur einnig alla söngtextana í sýningunni.