Fylgsnið

Hatch sér sýnir eftir að hafa næstum því dáið í bílslysi á snævi þöktum fjallsvegi. Það var kraftaverki næst að kona hans skyldi komast lífs af úr slysinu og með hreinum ólíkindum að hann skyldi vakna aftur til lífsins eftir að hafa verið lýstur dáinn í áttatíu mínútur. Með hjálp vísindalegra aðferða á tilraunastigi tókst að vekja Hatch aftur til lífs, en hann er ekki samur eftir. Hann finnur fyrir einhverju óhugnanlegu þarna úti.

En brátt kemur í ljós að hið illa sem Hatch skynjar býr innra með honum sjálfum — myrk grimmdarleg reiði sem leynist innra með okkur öllum ... Magnaður þriller eftir metsöluhöfundinn Dean Koontz.