Eyjan undir sjónum

Ambáttin Zarité – kölluð Tété – er barn svartrar móður og hvíts sjóara á eyjunni Saint-Domingue. Hún er ofurseld ofbeldi og ótta í bernsku en finnur huggun í afrískum trumbutakti og vúdúgöldrum. Svo kaupir Toulouse Valmorain, auðugur ungur plantekrueigandi, hana handa spænskri eiginkonu sinni – og til eigin nota. Líf og örlög húsbænda og ambáttar fléttast saman á þeim óeirðartímum sem fara í hönd þegar þrælarnir á eyjunni gera blóðuga uppreisn undir forystu byltingarforingjans Toussaints Louverture. Valmorain flýr til Kúbu og þaðan til New Orleans þar sem Tété fær loks að skapa sér eigin tilveru. En böndin sem binda hana við Valmorain verða ekki slitin.

Í þessari nýju sögulegur skáldsögu segir Isabel Allende áhrifamikla sögu af konu sem gefst ekki upp við að leita ástar og hamingju í grimmúðugum heimi. Lifandi persónur og grípandi atburðarrás minna á þekktustu bækur hennar, Hús andanna og Evu Lunu.

Sigrún Á. Eiríksdóttir þýddi. Elva Ósk Ólafsdóttir og Sigríður Eyrún Friðriksdóttir lesa.