Englar alheimsins

„Heillandi frásögn um efann í lífi okkar, “ sagði gagnrýnandi Information um þessa skáldsögu, sem þegar er orðin sígild þótt ung sé. Fáar sögur hafa hitt íslensku þjóðina jafnrækilega í hjartastað og saga Páls, allt frá draumi mömmu hans nóttina áður en hann fæddist og þar til yfir lýkur, enda er hún gædd einstakri hlýju og húmor.

Englar alheimsins hefur notið fádæma vinsælda ungra jafnt sem eldri lesenda og verið þýdd á fjölmörg tungumál. Fyrir hana hlaut Einar Már Guðmundsson bókmenntaverðlaun Norðurlandaráðs árið 1995.