Elskhuginn

Íbúar hverfisins fyllast óhug þegar kettir taka að hverfa og finnast illa útleiknir á ólíklegustu stöðum. Svona á ekki að gerast í hæglátu draumahverfi þar sem Rikke býr með eiginmanni og tveimur börnum í fallegu fjórbýli.

Svo finnst maðurinn á efri hæðinni myrtur. Lögreglan og fjölmiðlar eru á sveimi og fólk kemst að því hvað það veit lítið um granna sína. Og jafnvel sína nánustu. Rikke þarf að eiga samtal sem mun annað hvort bjarga eða tortíma hjónabandi hennar.