Djúpið

Kvennaárið 1975 fær líffræðineminn Valborg það sumarstarf á vegum Búseturöskunar ríkisins að efla mannlíf og atvinnutækifæri í brothættri byggð í Djúpinu. Valborg er eldklár en langt frá því að dúxa í mannlegum samskiptum og sambúðin með samstarfsfólkinu í heimavistarskóla Djúpmanna reynist henni erfið. Djúpið er heillandi skáldsaga eftir Benný Sif Ísleifsdóttur, höfund Hansdætra, um litríkar persónur, voldugar hnallþórur, samspil manns og náttúru, ástir og átök.