Barnaheimilið í helvíti – Æskuárin á valdi miskunnarlausrar nunnu

Glæsibifreið birtist fyrir framan hús hinnar sex ára gömlu Marie í Oldham á Englandi árið 1959. Faðir hennar segir að hún sé að fara í frí. Í raun er verið að senda hana á barnaheimili, klaustur sem rekið er af grimmri og vægðarlausri nunnu. Fjölskylda Marie hefur ekki efni á að hafa hana heima og neyðist hún til að dvelja í klaustrinu í fjögur löng ár.

Árin á barnaheimilinu líða í skugga líkamlegs og andlegs ofbeldis. Marie lifir af en segir engum frá því sem hún þurfti að þola. Löngu síðar hefst lögreglurannsókn á aðstæðum barnanna á barnaheimilinu. Marie áttar sig á því að það er kominn tími til að segja loksins sannleikann um veruna á barnaheimilinu í helvíti …