Barn að eilífu

Stundum eiga guð og vísindin engin svör við stærstu spurningum lífsins. Hér er rakin saga íslenskrar fjölskyldu með fatlað barn - sagt frá gleðinni yfir nýfæddu barni og angistinni yfir sjúkleika þess, tilraunum til að fá bót á meinum þess og sorginni yfir því sem ekkert fær breytt. Sigmundur Ernir Rúnarsson deilir með lesandanum reynslu og sársauka sem vinna má bug á, reynslu sem hefur mótað hann og hans nánustu, og gerir jafnframt grein fyrir viðbrögðum samfélagsins og þeim úrræðum sem í boði eru.

Barn að eilífu er í senn einstök og áleitin uppeldissaga og spennandi og hreinskilin frásögn af óvenjulegu lífshlaupi föður og dóttur.