Ævintýri og ljóð

Listaskáldið Jónas Hallgrímsson (1807-1845) var brautryðjandi á mörgum sviðum íslenskra bókmennta og samdi meðal annars sögur fyrir unga lesendur í anda ævintýraskáldsins H.C. Andersen. Sumt af kveðskap Jónasar nær líka mjög vel til barna.

Þessi útgáfa hefur að geyma eftirtalin ævintýri og ljóð: Stúlkan í turninum, Íslands minni, Fífill og hunangsfluga, Óhræsið, Leggur og skel (H.C. Andersen), Álfareiðin (Heinrich Heine), Grasaferð, Sáuð þið hana systur mína (lag eftir Aðalstein Ásberg Sigurðsson í flutningi Önnu Pálínu Árnadóttur – Bullutröll 2000).

Vandaður lestur Aðalsteins Ásbergs gerir þetta sögulega efni einstaklega aðgengilegt.